انسان یا راجہ گدھ

بانو قدسیہ جی نے انسان کو   راجہ گدھ پکارا ہے۔ ٹھیک پکارا ہے۔ بالکل ٹھیک پکارا ہے۔آخر بانو جی کے تجربے کو کون چلنج کر سکتا ہے۔ انسان وہ گدھ ہے کہ جسکو کھانے کانوالہ نہ ملے تو اپنی ہی اولاد کاگوشت پوست کھا لیتا ہے، اولاد مطلب اپنا آپ کھا لیتا ہے؛ پیاس لگنے پر اپنے بھائیوں کا خون پی لیتا ہے؛  عزت کھو دے تو دوسروں کی عزت اسکی آنکھ میں نہیں جچتی؛ عزت مل جائے تو دوسروں کیلئے عزت کے معیار بڑھا دیتا ہے؛  یہ ہے گدھ! راجہ گدھ! ۔ اسے گھن نہیں آتی۔  اسے گھن نہیں آتی کہ اسے تو جینا ہے۔  اگر اسے خوشی نہ ملے تو دوسرو ں کی اولاد کے آنسوؤ ں کو بلاوا دیتا ہے؛ اور یہ وہی انسان نما گدھ ہے جو اپنے اندر زبردستی کا جنسی ہیجان پیدا کر کے تڑپتا ہے اور پھر خوداسے کم کرنے کیلئے بنت آدم کو اپنی حوس کا نشانہ بنا تا ہے۔  بنت حوا سے مراد زینت حسن بازار سمیت ماں، بہن، بیٹی، خالہ، پھپھی، ممانی، بیوی اور  خالہ زاد، پھپھی زاد، ممانی زاد بھی ہے۔ اور پھر اسی عورت کو نسبتاً کم عقل سمجھتا ہے۔ تو کیا اپنے ہی گوشت (بنت حوا) کو حوس کا نشانہ بنانا عقل ظاہر کرتا ہے؟ کیا یہ   ’گدھ‘اپنے نام کے ساتھ ’راجہ‘ لگا کر یہ سمجھتا ہے کہ اسے عزت و توقیر مل گیئ؟