محبت مر نہیں سکتی

وقاص مغیرہ اقبال

!سنو

 ایسے تو نہ جاؤ

محبت میں تقاضے ہیں

کچھ قسمیں، کچھ وعدے ہیں

کہ یوں چھوڑا نہیں کرتے

دل توڑا نہیں کرتے

!سنو

ایسے نہ گھبراؤ

سفر جو ساتھ چلنا تھا

مکمل ہو بھی سکتا ہے

مجھے یہ سب ستائینگے

تری یادیں، تری باتیں

وہ تیرے ہونٹ، ترے الفاظ

مجھے ہر شب رلائینگے

چلو میں مان لیتا ہوں

محبت ہے نہیں مجھ سے

مگر اک بات تو مانو

میرا اک کام تو کردو

میں تجھکو چھوڑ جاؤنگا

کبھی نہ لوٹ آؤنگا

مجھے اک زندگی دےدو

وہ جس میں تم نہیں ہونا

تیری یادیں نہ وہ باتیں

نہ تیرے ہونٹ، نہ وہ الفاظ

قسم تیری مجھے جاناں

تم ایسا کر نہیں سکتی

محبت مر نہیں سکتی